डाळ वडा.

साहित्य:
१ कप चणाडाळ
५ ते ६ हिरव्या मिरच्या
८ ते १० लसूण पाकळ्या
१ इंच आले
१० ते १५ कढीपत्ता पाने
१/२ टिस्पून हळद
१ टिस्पून जीरे
१ टिस्पून तीळ
१/२ कप कोथिंबीर, बारीक चिरून
१ कप तेल तळण्यासाठी
चवीपुरते मिठ


कृती:
१) चणा डाळ धुवून घ्यावी. नंतर २ ते ३ तास भिजवावी. चाळणीत ओतून पाणी निथळून टाकावे. डाळ तशीच अर्धा तास ठेवावी म्हणजे बरेचसे पाणी निघून जाईल.
२) मिक्सरमध्ये हिरव्या मिरच्या (मोडून), आले लसूण, कढीपत्ता आणि थोडेसे मीठ घालून अर्धवट बारीक करावे. उरलेली डाळसुद्धा अशाच प्रकारे अर्धवट बारीक करावी.
३) वाडग्यात वाटलेली डाळ काढून घ्यावी. चव पाहून मिरची पेस्ट, मीठ घालावे. तसेच चिरलेली कोथिंबीर, हळद आणि जीरे घालून मिक्स करावे.
४) कढईत तेल गरम करावे. प्लास्टिक पेपरला तेलाचा हात लावून जाडसर वडा थापावा. गरम तेलात मध्यम आचेवर तळून काढावा.
गरम गरम वडा हिरव्या चटणीबरोबर किंवा चिंचेच्या आंबटगोड चटणीबरोबर सर्व्ह करावा.

टीप:
१) वड्याच्या मिश्रणात १ कांदा बारीक चिरून घातल्यास जरा वेगळा पण छान स्वाद येतो.

-kalyani

Dear readers,
Thanks for visiting'Ghrchaswad'.
Your comments are valuable to me.
Please feel free to write me personally at
shelarkalyani05@gmail.com

तुमच्या प्रतिक्रया नक्की कळवा!🙏

पाव भाजी.

साहित्य:

१२  ते १५ पाव (लादीपाव)
दीड कप बारीक चिरलेला कांदा
२  ते अडीच कप बारीक चिरलेला टोमॅटो
६ मध्यम बटाटे (अंदाजे अर्धा किलो)
१२-१५ वाफवलेले फ्लॉवरचे छोटे तुरे
१/२ कप वाफवलेले मटार
३/४ ते १ कप सिमला मिरची, बारीक चिरून
८ ते १० लसूण पाकळ्या (१ टेस्पून लसूण पेस्ट)
१ टिस्पून लाल तिखट
४ टेस्पून तेल (किंवा २ टेस्पून बटर + ३ टेस्पून तेल) 
१/२ टिस्पून जिरे (ऐच्छिक)
२ टेस्पून पावभाजी मसाला
चवीनुसार मीठ
सर्व्ह करताना बटर, लिंबाचा रस, चिरलेली कोथिंबीर

कृती :
१) चिरलेल्या आणि वाफवलेल्या भाज्या तयार ठेवाव्यात.
२) लसूण सोलून त्यात लाल तिखट घालावे. १ मोठा चमचा पाणी घालून मिकसरवर बारीक करावे.
३) कढईत तेल गरम करून त्यात जीरे घालावे, लसूण आणि लाल तिखटाची पेस्ट घालावी.लसूण परतले गेल्यावर त्यात बारीक चिरलेला कांदा घालावा. मध्यम आचेवर तो शिजू द्यावा. नंतर त्यात चिरलेली सिमला मिरची घालावी.
४) २-३ मिनिटानंतर त्यात बारीक चिरलेले टोमॅटो घालावे. टोमॅटो नरम झाले की बटाटा, फ्लॉवर आणि मटार घालावे. ढवळून त्यात पावभाजी मसाला घालावा. थोडे पाणी घालावे.पावभाजी कढईच्या तळाला लागू नये म्हणून मधेमधे ढवळत राहावे. चांगले मॅश करावे.
५) नंतर गॅस बारीक करुन कढईवर झाकण ठेवून वाफ काढावी. चवीनुसार मीठ घालावे. वाढताना बटर घालावे. वरुन लिंबू पिळावे आणि कोथिंबीर पेरावी.

--kalyani

Dear readers,

Thanks for visiting'Ghrchaswad'.

Your comments are valuable to me.

Please feel free to write me personally at

shelarkalyani05@gmail.com

तुमच्या प्रतिक्रया नक्की कळवा!🙏

उपवासाची बटाटा उसळ

वेळ:  

२० मिनिटे 

२ व्यक्तींसाठी.

साहित्य :

१) २-३ उकडलेले बटाटे 

२) ५-६ हिरव्या मिरच्या

३) १/२ वाटी शेंगदाणा कूट 

४) ४-५ कढीपत्त्याची पाने 

५) १/२ छोटा चमचा जीरे  

६) कोथिंबीर बारीक चिरून 

७) ओल खोबर 

८) १ छोटा चमचा साखर  

९) तेल फोडणीसाठी 

१०) मीठ चवीनुसार

कृती:
प्रथम एका भांडयात तेल गरम करून त्यात जीरे,
कढीपत्ता व बारिक  चिरलेली हिरवी मिरची 

घालावी.

शेंगदाण्याच कूट घालून ५ मिनिटे परतावे.
उकडून घेतलेले बटाटे सोलून त्यांच्या बारिक फोडी करून त्या वरच्या फोडणीवर घालून चांगले

परतून घ्यावे. मीठ घालून

परतावे झाकण ठेवून ५ मिनिटे मंद गॅसवर
उसळ होऊ द्यावी साखर, खोबरे व कोथिंबीर घालून खावयास घ्यावी 

खोबर आवडत नसेल तर नाही वापरलं तरी चालेल

--kalyani

Dear readers,

Thanks for visiting 'Ghrchaswad'.

Your comments are valuable to me.

Please feel free to write me personally at

shelarkalyani05@gmail.com

तुमच्या प्रतिक्रया नक्की कळवा! 🙏

मिक्स्ड व्हेजिटेबल्स विथ ग्रेव्ही

साहित्य – दीड वाटी फ्लॉवर (मोठे तुरे काढलेला), दीड वाटी ब्रोकोली (मोठे तुरे काढलेला), दीड वाटी गाजर (मोठे तुकडे केलेलं), दीड वाटी झुकिनी (मोठे तुकडे केलेले), दीड वाटी बेबी कॉर्न (तिरपे मोठे तुकडे केलेले), दीड वाटी पनीर किंवा टोफू (चौकोनी तुकडे केलेले), १ वाटी फरसबी (लांब तिरपी चिरलेली), १ वाटी सिमला मिरची (चौकोनी मोठे तुकडे केलेली),  ३-४ सुक्या लाल मिरच्या, १ टेबलस्पून लसूण अगदी बारीक चिरलेला, २ टीस्पून आलं किसलेलं, २ टेबलस्पून सोया सॉस, २ टीस्पून चिली सॉस, २ टीस्पून व्हाईट व्हिनेगर (ऐच्छिक), ३ टेबलस्पून कॉर्न फ्लोअर (१ कप पाण्यात मिसळून ठेवा) १ टीस्पून साखर, मीठ-मिरपूड चवीनुसार, १ टेबलस्पून तेल

कृती –

१)  एका मोठ्या पातेल्यात पाणी उकळायला ठेवा. पाण्याला उकळी आली की त्यात फरसबी आणि गाजर घाला. ३-४ मिनिटं शिजवा.

२) आता त्यात फ्लॉवर आणि ब्रोकोलीची तुरे घाला. फरसबी शिजत आली की गॅस बंद करा, तेवढ्या वेळात बाकीच्या भाज्या शिजतात.

३) उकडलेल्या भाज्या एका चाळणीत निथळून ठेवा. भाज्या अर्धवट कच्च्या असल्या पाहिजेत.

४) दुस-या लहान पातेल्यात पाणी घालून बेबी कॉर्न शिजवून घ्या. तेही चाळणीत निथळून ठेवा.

५) एका मोठ्या कढईत तेल गरम करा. तेल कडकडीत गरम झालं की लाल मिरच्या आणि लसूण घाला.

६) लसूण परतला की त्यात आलं घाला. परतून घ्या आणि त्यात झुकिनी आणि सिमला मिरची घाला.

७) एखादं मिनिट परता आणि त्यात उकडलेल्या भाज्या घाला. चांगलं मिसळून घ्या आणि त्यात सोया सॉस, चिली सॉस, मीठ, मिरपूड, साखर, व्हिनेगर घाला. परत चांगलं हलवा.

८) आता त्यात पनीर किंवा टोफूचे तुकडे घाला. परत चांगलं हलवा आणि दीड कप गरम पाणी घाला.

९) उकळी आली की त्यात पाण्यात कालवलेलं कॉर्न फ्लोअर घाला. हलवत रहा. कॉर्न फ्लोअर लगेचच घट्ट होईल.

१०)  ग्रेव्ही फार घट्ट वाटली तर थोडं पाणी घाला. झाकण ठेवून एक उकळी काढा. गॅस बंद करा.

मिक्स व्हेजिटेबल्स इन ग्रेव्ही तयार आहे. ही भाजी जराशी तिखटच चांगली लागते. तेव्हा आपल्या आवडीनुसार चिली सॉस, मिरपूडीचं प्रमाण वाढवा.

--kalyani

Dear readers,

Thanks for visiting'Ghrchaswad'.

Your comments are valuable to me.

Please feel free to write me personally at

shelarkalyani05@gmail.com

तुमच्या प्रतिक्रया नक्की कळवा!🙏

(व्हेज हक्का नुडल्स रेसिपी पाहण्यासाठी खालील लिंक वर क्लिक करा)👇
https://ghrchaswad.blogspot.com/2020/05/blog-post_78.html?m=1

बेसन लाडू.

साहित्य:  २ वाट्या जाडसर रवाळ बेसन (डाळीचं पीठ), पाव ते अर्धी वाटी साजूक तूप, १ ते सव्वा वाटी पिठीसाखर, अर्धा टीस्पून वेलची पूड, वर लावण्यासाठी बेदाणे, मनुका, काजु किंवा बदाम काहीही चालेल. (तयार जाड बेसन फार जाड वाटलं तर थोडंसं मिक्सरमधे कोरडंच फिरवून घ्या)

कृती –

१) एका नॉनस्टिक कढईत बेसन भाजायला घाला. आधी तूप न घालता कोरडंच भाजा. मध्यम आच ठेवून सतत हलवत भाजा. बेसन लवकर जळतं म्हणून लक्षपूर्वक भाजा.

२) बेसनाचा खमंग वास यायला लागला आणि रंग लालसर व्हायला लागला की त्यात तूप घाला. सगळं तूप एकदम घालू नका. थोडंथोडं घालून अंदाज घ्या आणि मग हवं तसं घाला.

३) तूप घालून परत मध्यम आचेवर सतत हलवत बेसन आणखी खमंग भाजा. गॅस बंद करा.

४) बेसन कोमट झाल्यावर मग त्यात पिठीसाखर आणि वेलची पूड मिसळा. गरम असताना मिसळू नका कारण मग साखर विरघळून मिश्रण पातळ होईल.

५) नंतर त्याचे आपल्याला हव्या त्या आकाराचे लाडू वळा.

इतक्या मिश्रणात मध्यम आकाराचे वीस लाडू होतात.

- kalyani

Dear readers,
Thanks for visiting'Ghrchaswad'.
Your comments are valuable to me.
Please feel free to write me personally at
shelarkalyani05@gmail.com

तुमच्या प्रतिक्रया नक्की कळवा!🙏

चकली

तयार चकली

साहित्य:  ५ फुलपात्रं चकलीची भाजणी ( मी याआधीच्या पोस्टमधे भाजणीची रेसिपी शेअर केली होती, पण जर ती नसेल तर रेडीमेड भाजणीही चालेल), ३ फुलपात्रं पाणी, ५ टीस्पून घरचं लोणी किंवा तेल, २-३ टीस्पून लाल तिखट, अर्धा टीस्पून हळद, २ टेबलस्पून तीळ, १-२ टीस्पून ओवा, मीठ चवीनुसार. (कधीकधी रेडीमेड भाजणीत मसाला घातलेला असतो, ते बघून घ्या) तळण्यासाठी तेल.

कृती:

१) एका मोठ्या पातेल्यात पाणी उकळायला ठेवा.

२) पाण्याला खळखळून उकळी आली की त्यात लोणी किंवा तेल, तिखट, मीठ, हळद, तीळ आणि ओवा घाला. गॅस बंद करा.

३) आता त्यात भाजणी घाला आणि चमच्यानं एकत्र करून घ्या.

४) गरम असताना नीट एकत्र होणार नाही तेव्हा जसं जमेल तसं एकत्र करा. झाकून ठेवून द्या.

५) २-३ तासांनी किंवा पीठ थंड झाल्यावर ते परातीत काढून घ्या. चांगलं मळून घ्या. मळताना लागेल तसं साधं पाणी घाला. चकलीचं पीठ भाकरीच्या पिठापेक्षा जरासं घट्ट हवं.

६) मळलेलं पीठ चकलीच्या सो-यात घाला. चकल्या पाडा.

७) कढईत तेल कडकडीत गरम करा. नंतर आच मध्यम ठेवा. चकल्या लाल रंगावर तळा. तेलाचं तापमान सतत एकसारखं राह्यला हवं. म्हणून तेल जरा थंड झालंय असं वाटलं तर आच वाढवा. पण गरम झाल्यावर परत मध्यम ठेवा. चकल्या फार लाल करू नका.

चकल्या तयार आहेत.
(चकली ची भाजणी रेसिपी पाहण्यासाठी खालील लिंक वर क्लिक करा)👇
 https://ghrchaswad.blogspot.com/2020/05/blog-post_9.html?m=1

_kalyani

Dear readers,
Thanks for visiting'Ghrchaswad'.
Your comments are valuable to me.
Please feel free to write me personally at
shelarkalyani05@gmail.com

तुमच्या प्रतिक्रया नक्की कळवा!🙏