छोले

साहित्य:

१)१ कप पांढरे काबुली चणे.
२)२ कांदे
३)२ लालबुंद टोमॅटो
४)दिड टिस्पून छोले मसाला

५)४ हिरव्या मिरच्या (पेस्ट करून)

६) गरम मसाला

फोडणीसाठी:

१)१/२ टिस्पून जिरे

२)१/४ टिस्पून हळद

३)२ टिस्पून लाल तिखट
४)१ टिस्पून आले पेस्ट
५)५ लसूण पाकळ्यांची पेस्ट
६)१ टिस्पून आमचूर पावडर
७)१ टिस्पून धणेपूड
८)२-३ टिस्पून तेल
९)कोथिंबीर
१०)लिंबू
११)मीठ

कृती :

१) चणे ९-१० तास भिजत घालावे. नंतर कूकरमध्ये ४ शिट्या करून चणे शिजवून घ्यावे, शिजवताना पाण्यात थोडे मिठ घालावे. चणे मऊसर शिजवावे. अगदी जास्त शिट्ट्या केल्या तर चणे फुटतात. त्यामुळे प्रत्येकाने घरातील कूकरचा अंदाज घेउन चणे शिजवावेत.

२) कांदा, टोमॅटो भाजावे व पेेेस्ट करून घ्या.

  (पेस्ट एकत्र करू नये कांद्याची वेगळी व टोमॅटोची       वेगळी करावी)

३) चणे शिजले कि कढईत २-३ टिस्पून तेल गरम करावे. जिरे, हळद, लाल तिखट घालून फोडणी करावी, आले-लसूण- मिरची पेस्ट घालून परतावे, कांदा पेेेस्ट तेल सुटेपर्यंत परतावी.कांदा पेस्ट व्यवस्थित परतली की,टोमॅटो पेस्ट टाकावी. तेल सुटे पर्यंत परतावी.धणेपूड,गरम मसाला घालावा.मंद आचेवर झाकण ठेवून शिजू द्यावे.

४) वरील ग्रेव्ही पाच ते सात मिनिटे व्यवस्थित कि शिजलेले चणे घालावेत,चवीपुरते मीठ घालावे म्हणजे चणे शिजताना मीठ आत मुरते.आवश्यक तेवढे पाणी घालावे.मध्यम आचेवर झाकण ठेवून वाफ काढावी.

५) २-३ मिनीटांनी छोले मसाला आणि आमचूर पावडर घालून ढवळावे.जर मीठ किंवा तिखट कमी वाटत असेल तर वरून घालावे.थोडावेळ मंद आचेवर उकळू द्यावे.

छोले आणि भटुरे यांचे काँबिनेशन मस्तच लागते. तसेच छोले, पाव , चपाती,घवण सोबत खायला छान लागतात.

भटुरे रेसिपी लिंक 👈

--kalyani

Dear readers,

Thanks for visiting 'Ghrchaswad'.

Your comments are valuable to me.

Please feel free to write me personally at

shelarkalyani05@gmail.com

तुमच्या प्रतिक्रया नक्की कळवा! 🙏